Suasana didalam lapas kriminal terjadi perbincangan hangat antara sesama penghuni lapas. Kareno ado kesempatan ngejengguk kawan yang lagi mondok di lapas pakjo itu jadi kesempatan buat Kacibob tau cakmano kehidupan dilapas sano.
Ujang : “ Nak kemano Kacibob rapi nian tumben ??? “
Kacibob : “ Nak kepakjo jang !!! “
Ujang : “ Kepakjo ngapoi ??? “
Kacibob : “ Nak besuk kawan lamo “
Ujang : “ Nak kepenjaro yo kau itu ??? “
Kacibob : “ Iyo jang, Nak nitip salam apo ???
Ujang : “ Lajulah kalau nak kepenjaro “
Kareno motor la dipanaske Kacibob langsung berangkat kepakjo
Kacibob : “ Ay saro nian nak masuk penjaro ini mesti diperikso dulu, ditanyo – tanyo ( Ngomel dalam hati )?? “
Penjago : “ Selamat siang pak nak besuk siapo ??? “
Kacibob : “ Nak besuk kawan Pak “
Penjago : “ Siapo namonyo ??? “
Kacibob : “ Aan pak !!! “
Penjago : “ Silahkan tunggu didalam ruang besuk sano yo !!! “
Dak lamo Aan datang
Aan : “ Weh dolor lamo besuk jugo ruponyo !!! “
Kacibob : “ Apo kabar kau An ??? “
Aan : “ Cak inilah Kacibob caro mondok sehat dak sehat ditahanke be lah “
Kacibob : “ Oh iyo sebenernyo kau itu dipenjaro kareno kasus apo nian ??? “
Aan : “ Barulah betemu la nanyo cak itu !!! “
Kacibob : “ Penasaran aku soalnyo, kan setau aku kau ini budak baek – baek kok biso dipenjaro ni ngapo ??? “
Aan : “ Padahal aku waktu itu lupo pake helm bae sih !!! “
Kacibob : “ Dak kan ado waya – waya dak pake helm be kau dipenjaro ??? “
Aan : “ Aku itu ngebobol mesin ATM lupo pake helm jd muko aku ini tejinggok samo CCTV !!! “
Kacibob : “ 363 KUHP maleng namonyo kau itu limo tahun kau tebuang, emang buyan nian kau ini An !!!! “
Aan : “ Sambil nepak kening dio tedunduk malu “
Untuk sanak dulur,keluargo kawan – kawan jangan nian galak ngelakuke perbuatan yang akan merugikan diri kito keluargo kito. Setiap perbuatan kejahatan itu pasti ado balasannyo.
***Budina Sofiyan***
