Scan Absen dalam Mimpi..

Minggu, 14 Juni 2020 pagi hari seperti biasa Kacibob biasonyo begawe masuk pagi, kareno

semalam itu bedalu sampe pukul 02.30 dan dilanjutkan dengan kebiasannyo maen games

telaju sampe pagi dak tedok.

Sambil duduk Kacibob membuat pot bonsai kelapo dak lupo dengan rokok sebatang teselep

dIbibirnyo dengan penuh nikmat.

Kongusup : “ Kacibob sudah banyak caknyo bonsai itu, la ado yang laku belum ??”

Kacibob : “ Ay kong caro hobby be kito ini !!”

Kongsup : “ Dak papo kalau hobby biso menghasilke sen kan bagus ?”

Kacibob : “ Nah kong merokok samo ngopi dulu biar lemak becerito kito ini dak ??”

Kongsup : “ Pacak nian awak ini tau kalau kito lagi buntu lantak corona dak begawe !!!”

Kacibob : “ Santai be selamo ujang masih buka warungnyo masih aman!!!”

Kongsup : “ Payo kalau cak itu “

Kacibob : “ Perasaan semalam dak hujan kenapo dak begawe ini Kong ???”

Kongsup : “ Memang dak do hujan semalam itu, awak semalam kito maen gap sampe dalu!

Pacak lupo itu?”

Kacibob : “ Oh iyo nian kong lelupoan aku “

Lagi asik-asiknyo bekelakar tibo-tibo datang Siabu

Siabu : “ Wah lemak nian pagi-pagi cak ini pacak santai kalian beduo ini, la sarapan apo ???”

Kacibob : “ La ado Siabu ruponyo, dari mano bu ???”

Siabu : “ Ini no Kacibob dari tempat ujang, biaso masoke catatan Dangbaru “

Kongsup : “ Nah bahayo ini pagi-pagi ia masoke catatan ini ???”

Siabu : “ Caro warung punyo kito kong!!”

Kacibob : “Dak begawe apo bu kamu hari ini ???”

Kongsup : “ Iyo bu libur apo???”

Siabu : “Begawe kong cuma agak siangan, tapi tadi pagi la nyecan absen duluan”

Kongsup : “ Lemak nian yo begawe model cak itu ?”

Siabu : “ La Kacibob dak begawe apo, biasonyo dak galak ninggalke gawean kalau hari

minggu ini???”

Kongsup : “ Iyo Kau ni Kacibob dak begawe apo???”

Kacibob : “ Nah iyo Lupo aku kalau hari ini begawe, nah mati nian kalau telat ini, kong la jam

berapo ini ???”

Kongsup : “ Baru jam 10.15 Kacibob, ngapo ??”

Kacibob : “ Nah mati nian aku perasaan tadi pagi sudah scan absen !!!”

Siabu : “ Cubo cek dulu Kacibob, sudah scan belum ?”

Kacibob : “ Perasaan sudah bu tadi, cubo ku cek dulu “

Kongsup : “ Cek dulu kacibob “

Kacibob : “ Nah nian kelupoan nyecan aku kong, mati nian ini kelupoan nyecan absen aku

ruponyo bukan absen yang aku scan rupunyo tadi pagi”

Siabu : “ Laju apo yang kamu scan Kacibob ????”

Kacibob : “ Ruponyo nyecan dalam mimpi aku”

Sembari memukul jidatnyo Kacibob kelihat lemes dak katek nyawo lagi sedangkan yang lain

ketawo terbahak-bahak ngeliat derita Kacibob yang dak masok begawe lagi.[***]

**Budina Sofiyan**