Kisah kawan sejati yang kini hilang tinggal kenangan.
Ujang : “Idak disangko ruponyo umur uwong itu katek yang tau yo Kacibob ??? “
Kacibob : “ Iyo nian jang perasaan baru kemaren kito samo-samo !!! “
Ujang : “ Mungkin itulah jalan hidupnyo “
Kacibob : “ Katek lagi rewang maen gap??? “
Ujang : “ Kenangan apo yang masih kau ingat tentang beliau ??? “
Kacibob : “ Pokoknyo kalau kito salah buang gap pasti bedemping, ujinya !!!! “
Ujang : “ Hahahahahahaha……. Ado – ado bae kau ini !!! “
Kacibob : “ Kalau mikirke nak buang buah gap itu dje sam soe idak dilepas dari mulutnyo sambil manggut-manggut “
Ujang : “ Pecak serius nian padahal pas dibuang itu buah awan “
Kacibob : “ Suaro pluit bakalan dak kito denger lagi ??? “
Ujang : “ Pokoknyo kalau sudah keluar dari rumah blangkon kesayangannyo idak bakal tinggal !!! “
Kacibob : “ Memang nian caknyo itu jadi ponjennyo Jang ???? “
Ujang : “ Kacomato yang idak lepas dari wajahnyo jadi alat tambahan penjinggok’annyo “
Kacibob : “ Singgonyo kalau sudah nak kalah pasti teucap, balek aku kalau kalah !!! “
Ujang : “ Itu selalu dio omongke pasti “ Lagi lemak – lemaknyo becerito Jangjo lewat depan rai….
Ujang : “ Dari mano Jangjo ???? “
Jangjo : “ Dari warung na belanjo, lagi becerito apo kalian itu pecak serius nian ??? “
Kacibob : “ Kesinilah pasti awak ado kenangan samo yang lagi kami ceritoke ini !!!”
Jangjo : “ Cerito apo nian Kacibob ?? “
Ujang : “ Cerito tengtang Almarhum H.AW “
Jangjo : “ Itu bapak kito jang !!!! “
Kacibob : “ Pasti banyak kenangan yang melekat diingatan kau yo jangjo ??? “
Jangjo : “ Pokoknyo kalau lorong sano sepi lorong sini sepi dio itu mampir ngedor pintu ke rumah !!! “
Ujang : “ Memang dio itu wong tuo kito yang begitu baik dan selalu ngasih nasehat pituahnyo “
Kacibob : “ Sudah Jangjo idak usah sedih dan nanggis, ikhlaske bae ??? “
Ujang : “ Iyo Jangjo Dak udah sedih kito ini keluargo galo “
Jangjo : “ Aku idak sedih, kareno beliau la meninggal, tapi aku nanggis kareno kaki aku kau injek
Ujang !!!! “ Mereka betigo pun ketawo terpingkal – pingkal……
***Budina Sofiyan***
