“Setengah Gelas“
- account_circle Irwan Wahyudi
- calendar_month Senin, 22 Jun 2020
- visibility 1.175
- comment 0 komentar
- print Cetak
info Atur ukuran teks artikel ini untuk mendapatkan pengalaman membaca terbaik.
Malam minggu biasonyo buat yang mudo itu adalah waktu dimano biso bejalan samo linjangannyo, menikmati malam bersamo seakan-akan idak ado malam lain yang pacak romantis, tapi beda hal dengan apo yang dirasokan oleh wong la berumur cak Kacibob. Bukan keromantisan yang dicari, akan tetapi waktu dimano biso bertemu samo kawan lamo dan biso diajak bekelakar. Nah, malam ini Kacibob nak ketemu kawan lamonyo di Nangroe Caffe di daerah PUSRI, tepat di Lebak Jaya,Jalan May Zen,samping Mega Mart.
Kacibob : “ ( Ngambek hape nak ngubungi kawannyo ) “
Wak Bota : “ Assalamuallaikum, Hallo ?”
Kacibob : “Wallaikumsallam, Wak, Dimano posisi ?”
Wak Bota : “ Biaso masih di rumah Kacibob, ado apo yo tumben ???? “
Kacibob : “ Malam ini kalau idak katek gawe kito ngopi peh??? “
Wak Bota : “ Ngopi dimano Kacibob ???? “
Kacibob : “ Tempat biaso di Nangroe Caffe itu “
Wak Bota : “ Payo kalau memang awak ngajak “
Kacibob : “ Berangkat !!!!! “
Kacibob siap-siap meluncur ketempat mereka janjian di Nanggoe Caffe.
Wak Bota : “ Hay Kacibob !!! “
Kacibob : “ Hay mang la ado disini awak n yo ???? “
Wak Bota : “ La kan emang disini tempat tongkrongan aku Kacibob!!! “
Kacibob : “ Apo dio kabar mang ?,
la lamo kito n dak betemu ruponyo awak n dak berubah yo?? “
Wak Bota : “ Ay samo bae dengan awak jugo Kacibob “
Kacibob : “ Apo dio cerito masih apo galak maen gaple ??? “
Wak Bota : “ Agek dulu becerito pesenlah kopi dulu baru kelakar kito!!! “
Kacibob : “ Payolah kalau cak itu “
Dateng pelayan Caffe mendekati mereka beduo
Wak Bota : “ Seperti biaso yo dek!!! “
Kacibob : “ Kopi hitam setengah gelas bae yo !!! “
Wak Bota : “ La kok setengah kacibob, tumben ??? “
Kacibob : “ Iyo mang agak bekurang bae “
Dak lamo pesenan datang……..
Wak Bota : “ Apo hal ini tumben ngajak betemu ado apo ??? “
Kacibob : “ Agek dulu mang ngopi dulu “
Wak Bota : “ Payolah !!! “
Kacibob : “ Ay dak dak dikasih gulo ini kopi pait nian !!!! “
Wak Bota : “ Iyo apo kacibob ???? “
Kacibob : “ ( Manggil Pelayan ) oy dek, dak dikasih gulo apo kopi ini, cubo tambah gulo!!! “
[Dibawak gelas tadi oleh pelayan dan ditambah gulo]
Wak Bota : “Nah, laju dak jadi pecaknyo nak cerito ini ??? “
Kacibob : “ Nah, mang apo ujike kemanisan kan kopinyo!!! “
Wak Bota : “ Ngapo la kemanisan pulo apo ??? “
Kacibob : “ Oy dek sini dulu, ngapo kemanisan ini tolong tambah banyu yo sekalian tambah kopinyo !!!! “
Pelayan : “ Nah mang ini gulo samo kopinyo, lajulah buat dewek, beli setengah laju nak segelas ini!!!!!”
Wak Bota ketawo-ketawo liat pelayan yang dikolake samo Kacibob.
***Budina Sofiyan***
- Penulis: Irwan Wahyudi
Saat ini belum ada komentar