“ Putus “

 Beratnyo ujian hidup idak biso disembuhke dengan obat kuat.

 Jangjo : “ Malam cak ini lemaknyo ngapolah yo ( Berpikir dalam hati ) “

 Kacibob : “ Jangjo lagi mikirke apo nian cak jauh thu lamunan ??? “

 Jangjo : “ Lemaknyo ngapolah malam – malam cak ini ???”

 Kacibob : “ Nah cak susah thu, kito kepos be cakmano ???”

 Jangjo : “ Payo kalau cak itu “ Mereka beduo pun menuju pos ronda, ternyato disano la rame banyak uwong lagi maen gaple.

 Koja : “ Ay Kacibob tumben agak dalu metunyo ??? “

 Kacibob : “ Biaso tadi ke rumah jangjo dulu “

 Koja : “ Panjang gesahan itu caknyo ??? “

 Jangjo : “ Belum sempet begesah Kacibob la ngajak kesini”

 Koja : “ Cak itu ruponyo ???? “

 Kacibob : “ Ado cerito apo ja malam ini ???? “

 Koja : “ Cerito apo Kacibob, kito be jingok uwong maen gaple ni lah “

 Jango : “ Biasonyo awak ini banyak cerito ja “

 Koja : “ Oh iyo aku ado cerito “

 Kacibob : “ Cerito apo nian emangnyo ??? “

 Koja : “ Jadi aku tadi kan pegi ke apotik dekat pasar itu buat nyari obat “

 Jangjo : “ Obat apo, emang siapo yang sakit ja ??? “

 Koja : “ Katek yang sakit sebenernyo tapi ado yang nak diobati !!! “

 Kacibob : “ Kondisi sekarang ini harus jago kesehatan jangan sampe sakit kareno itu memudahke virus corona masuk !!! “

 Koja : “ Dengeri dulu cerito aku ini jangan langsung nyimbat ngapo !!!! “

 Jangjo : “ Ceritolah pulo kau itu !!! “

 Kacibob : “ Iyolah pulo cak betako’an itu, tinggal cerito be susah nian !!! “

 Koja : “ Jadi pas sampe di apotik kan aku betanyo samo penjagonyo ??? “

 Kacibob : “ Emang kau nyari apo ??? “

 Koja : “ Kan aku betanyo, mbak ado obat kuat idak yo ???? “

 Jangjo : “ Ngeri nian kau itu nyari obat kuat !!! “

 Koja : “ Kan aku betanyo cak itu dijawab oleh penjagonyo, nak yang herbal atau yang kimia ??? “

 Kacibob : “ Kau jawab apo emangnyo ??? “

 Koja : “ Kalau yang herbal tahan lamo idak mbak ?, dijawabnyo tergantung dosisnyo mas !!! “

 Jangjo : “ hemmmmmmm “

 Koja : “ Kalau yang kimia cakmano mbak ???, katonyo samo bae “

 Kacibob : “ Terus kamu pilih yang mano ??? “

 Koja : “ Jadi penjagonyo betanyo samo aku ‘ nak yang bertahan berapo lamo emangnyo mas??? , aku jawab tho pokoknyo yang paling tahan lamo soalnyo aku sudah idak kuat melihat dio begandengan samo wong lain mbak !!! “

 Jango : “ Kampret ruponyo kau ditinggal betino !!! “

 Kacibob : “ Astaga !!!! “ Mereka pun saling tepuk jidat.

*** Budina Sofiyan***