Senjata api untuk warga sipil yang diusulkan oleh ketua MPR akhir – akhir ini menjadi bahan perbincangan yang sangat hangat.
Ujang : “ Lemak nian kalau kito ini jadi polisi yo Kacibob ??? “
Kacibob : “ Lemak aponyo kalau dak punyo duit walau badan bagus dak ado lokaknyo nak jadi polisi !!! “
Ujang : “ Uji siapo cak itu Kacibob ???? “
Kacibob : “ La uji aku tadi kan ngomong cak itu jang !!!”
Ujang : “ Ado cerito kawan aku kemaren dio nak daftar jadi polisi tapi gagal, “
Kacibob : “ Ngapo pacak gagal itu, emang apo yang kurang ??? “
Ujang : “ Cak ini ceritonyo Kacibob !!! “
Kacibob : “ Ceritolah !!!! “
Ujang : “ Kawan aku itu kan tinggi badannyo 170 cm badannyo bagus otaknyo ado tapi dak lulus seleksi masok polisi !!! “
Kacibob : “ Pasti kareno kurang duitnyo yo apo kareno katek wong dalem dio itu ??? “
Ujang : “ Bukan kacibob jadi pas test itu kan disuruh buka mulut nah disanolah masalahnyo terjadi !!! “
Kacibob : “ Ngapo dengan mulutnyo apo isinyo buntang galo atau apo ??? “
Ujang : “ Bukan Kacibob tapi gigi dio itu ompong sikok jadi dak lulus lah !!! “
Kacibob : “ Mano nak lulus kalau giginyo ompong kan harus sempurna !!! “
Ujang : “ Jadi kato kawan aku itu dio nak jadi polisi biar pacak nembak bukan nak gigit bandet !!! “
Kacibob : “ Buyan nian kawan kau kalau nak punyo senjato sekarang be pacak dak usah nak jadi polisi jang !!! “
Ujang : “ Cakmano caronyo kacibob kalau kito pacak punyo senjato itu ??? “
Kacibob : “ Kau tinggal datang dan daftar ke perbakin terus test kalau lulus agek dapat senjato !!! “
Ujang : “ Cak itu yo caronyo ??? “
Kacibob : “ Emang kalau kau punyo senjato nak buat apo emangnyo ??? “
Ujang : “ Aku nak nembak anaknyo ketuo komplek biar galak jadi cewek aku !!! “
Kacibob : “ Oy buyan dak usah pake senjato api kalau nak nembak cewek itu cukup kau omongke be kalau kau galak samo dio !!!! “
Ujang : “ Kalau cak itu pasti ditolaknyo makonyo mesti disiapke senjatonyo !!! “
Kacibob : “ Memang buyan nian kau ini bukan diterimo tapi pacak tebuang kau jang !!!! “
Jangan salah sangko ini hanya kelakar bae kalau ado namo atau kejadian yang samo itu hanya kebetulan be.[***]
***Budiman Sofiyan***
