Sore ini kejingokannyo Kacibob pecak kesal nian dari balek begawe, idak seperti biasonyo sehinggo membuat Jang Joe teheran-heran.
Jang Joe : “ Kacibob ngapo pecak bingsal ini ??”
Kacibob : “ biasolah Jang Joe lagi kesal nian samo jalan kito itu !!!!”
Jang Joe : “ Jalan yang dimano nian itu yang buat bingsal thu Kacibob ???
Kacibob : “ Itu na jalan kito !!
Jang Joe : “ Jalan kito yang mano ??? “
Kacibob : “ Nah, cak dak pernah lewat jalan kito ini nah !!!!
Jang Joe : “ Nah, ngapo tambah bingsal ini ???
Kacibob : “ Kapan lah pemerintah ini beneri itu jalan yo ???
Jang Joe : “ Ngapo Betanyo samo aku ini ??? “
Kacibob : “ Bukan Betanyo Jang Joe, ini keluh kesah aku samo Pemerintah !!!!
Jang Joe : “ Kenapo dak betanyo samo Pak RT atau ketuo kompolek kito bae ???
Kacibob : “ La pernah aku tanyonye samo Pakde “
Jang Joe : “ Apo jawabannyo emang “ Belum sempatlah Kacibob Jawab pertanyaan Jang Joe, Lewat depan rai Ketua Kompolek.
Pakde : “ Ono opo iki ? koyone seru tenan
Kacibob ????
Kacibob : “ Nah kebetulan ado Pakde selaku Ketuo Kompolek
Jang Joe : “ Cak ini Pakde, Kacibob ini pecak bingsal nian lantak kondisi jalan kito itu ??? “
Pakde : “ Jalan yang mano emangnyo, Perasaan jalan perumahan kito la dicor tho ???
Kacibob : “ Samo be kamu beduo ini, Jalan Irigasi Sematang Borang itu na !!!!
Pakde : “ Oalah jalan kito yang itu tho, kenapo itu emang ?
Kacibob : “ Kalau lewat jalan itu naek motor macem naek unto tau dak!!!! “
Pakde : “ hahahhahahahahha naek unto dari mano tho Kacibob ??? “
Jang Joe : “ Kacibob bukan naek unto kalau, itu macem naek kudo !!!! “
Ketigo-tigonyo ketawo terbahak-bahak lantak denger cak naek unto atau naek kudo, itulah kondisi jalan Irigasi Kelurahan Sukamulya Sematang Borang hari ini. Semoga dihari lahir kota Palembang yang ke 1337 tahun ini idak ado lagi jalan yang buruk dikota ini.[***]
***Budina Sofiyan***
