Kacibob sudah mulai katek inspirasi lantak banyak pleaning yang gagal lantak covid 19.
Wak Bota : “ Ay kemanolah kawan lamo ini jarang muncul sekarang yo Kong ???? “
Kong Usup : “ Iyo nian Wak Bota kemanolah Kacibob ini yo la nak sebulan dak pernah metu ini !!!!
“ Wak Bota : “ Apo ado masalah atau memang lagi ado perkaro apolah dio ini yo !!!! “
Kong Usup : “ Apo kito liat kerumahnyo Wak Bota ??? “
Wak Bota : “ Payo kalau cak itu, kito berangkat !!!! “
Kong Usup : “ Payo berangkat kalau cak itu “
Mereka beduo pun melaju menuju rumah Kacibob sahabat yang dirindukan.
Kong Usup : “ Assalamuallaikum….. Kacibob….. Kacibob…. “
Wak Bota : “ La mati apo Kacibob katek suaro ini !!!!! “
Kacibob : “ Walaikumsallam …… ( suaro dari dalam rumah ) “
Kong Usup : “ Apo dak boleh masok kami ini, tekering la cak rempeyek lantak panas bejemur ini !!!! “ Kacibob : “ Masok be sini aku lagi ado gawe ini na !!!! “
Wak Bota : “ Pantesan be dak pernah keluar sekarang lantak ado lokak buat layangan yo kau Kacibob !!!! “ Kong Usup : “ waduh lokak tegeser kito lantak kau ini Kacibob !!!! “
Kacibob : “ Lantak Corona ini sebaseng gawe yang penting cicilan tebayar samo dapur ngebul be lah !!!! “ Wak Bota : “ Apo nian yang buat kau ganti profesi ini Kacibob ??? “
Kacibob : “ Yo cak layangan ini lah nasib aku Wak Bota, sering ditarik ulur !!!! “
Kong Usup : “ Kau pulo sedangkan layangan be ado lanang ado betino lho “
Kacibob : “ Maksud kamu apo kong ???? “
Wak Bota : “ Maksudnyo kau itu kapan nak kawen sedangkan layangan itu ado lanang ado betinonyo !!! “ Kacibob : “ Nah datang – datang nak ngolahke aku be kalian ini yo !!!! “
Kong Usup : “ Kami ini perhatian samo kamu Kacibob !!!! “
Kacibob : “ Sudahlah dak usah dibahas itu sudah jadi nasib aku !!! “
Wak Bota : “ Kito doake be kong !!! “
Kacibob : “ Amiin !!! “ Nasib badan macem kaos lampu lantak Corona ini, bakalan jadi buruk tegantung !!! .[***]
Penulis : Budina Sofiyan
