Malam ini rasonyo laen nian tejingok wajah ceria Kacibob dengan segelas kopinyo duduk santai didepan rumah sambil jingok i bonsai kelapo kesayangannyo.
Jangjo : “ Santai nian kacibob ??? “
Kacibob : “ Caro menikmati hidup lah Jangjo, mamper sini ngopi-ngopi dulu ??? “
Jangjo : “ Payo kalau cak itu kebetulan belum ngopi nian !!! “
Sembari nunggu Kacibob buat kopi Jangjo ngejinggok bosnsai kalau bae nak ngebonsai jugo
Kacibob : “ Nah ngopi doken mumpung masih panas “
Jangjo : “ Masih panas kacibob dinginke dulu kalu ??? “
Kacibob : “ Nah mumpung ado awak, aku punyo cerito ini !!! “
Jangjo : “ Cerito apo nian Kacibob ??? “
Kejadianyo ini dibioskop IP ( International Plaza ) Pagi jam 8 tedenger suaro telpon di loket tiket Bioskop, karena belum ado yang dateng jadi penjago yang ngangkat.
Penjago : “Halo, siapo ini?”
Kacibob : “Ini Kosim, aku nak nanyo pak, jam berapo bioskop bukak?”
Penjago : “Bukak jam 1 dek…”
Kacibob : “Dak pacak bukak jam 9 be ye?”
Penjago : “Mano bisolah, jam bukaknyo la ditentuke”
Kacibob : “Iyolah kalu cak itu..”
Jam 11 tedenger lagi bunyi telpon
Kacibob : “Pak, bioskop bukak jam berapo?”
Penjago (agak ringam) : “Kau ni yang nelpon tadi ye, la ku omongke jam 1 maseh bae dak ngerti”
Kacibob : “Jam 12 be pak, pacak dak bukaknyo?”
Penjago (mulak i marah) : “Ayy, kau ni lolo nian dak biso!!”
Kacibob : “Sudah, kalu ak itu jam 12.30 be pak bukaknyo”
Penjago (marah senianan) : “Nee kau ini, sekali dak pacak tetep dak pacak, memangnyo kau ni nak nonton apo? Cak dak sabaran nian!!!!!”
Kacibob (sambil nangis, nyerit-nyerit) : “AKU NI TEKUNCI DALEM BIOSKOP NI PAK, KETEDOK AN PAS NONTON SEMALEM, DAK KETAUAN PILEM LA ABES, MINTAK NYAWO NAA BUKAKKE PINTU BIOSKOP NI…!!!”
Penjago : “ Alangke buyannyo awak ni ngapo dak ngomong dari tadi !!!!
( Sambil nepak jidat )
Jangjo : “ Bener nian kato penjago itu alangke buyan kamu Kacibob pacak ketedok’an dibioskop itu ( hahahahahahhahahahah ) “
Cerita ini hanya hiburan semata tidak ada maksud untuk menyinggung.
*** Budina Sofiyan***
