Cerito ini adalah ketidak sengajoan kawan Kacibob yang baru balek dari pasar induk fajar kemaren, nak tau ceritonyo payo kito ikuti cerito kacibob yang seru ini ……
Kacibob duduk sambil maen ke hape, seperti biaso ngegames tanpa menghiraukan kawan disampingnyo.
Ujang : “ Kacibob aku ado cerito kemaren subuh balek dari pasar “
Kacibob : “ Cerito apo nian cak seru kau itu,” tanpa meribak’i Ujang disampingnyo
Ujang : “ Ini serius ceritonyo Kacibob.”
Kacibob : “ Iyo ceritolah, aku lagi seru jugo “
Ujang : “ Nak dak diribak’i ini seraso dak lemak nian. “
Sebelum ujang melanjutkan ceritonyo tibo-tibo datang Wak De ngagetke, mereka beduo
Wakde : “ Assalamuallaikum “
Ujang : “ Walaikumsallam, tumben kesini Wak De ??”
Wakde : “ Kacibob,ujang kamu denger dak kabar yang terjadi di Jalan Pasar Induk kemaren pagi ???”
Ujang : “ Itulah yang nakku ceritoke samo Kacibob tu Wak De.!!!!
Wakde : “ Ngapo dak jadi awak cerito ke jang ?”
Ujang : “ Awak liatlah dewek Kacibob, apo ngaguk’I kito dari tadi ?”
Wakde : “ Iyo nian yo jang, cak dak katek manusio parak dio itu !!!”
Kacibob : “ Nah, apo dio oy yang kalian omongke ini dari tadi aku dengarke,,, laju dak konsen aku maen games ini, jadi kalah.. kan, lantak kamu-kamu ini nah.. !!!!!”
Ujang : “ ngapo bingsal samo kami ini, Kacibob ?”
Wakde : “ Iyo Kacibob ni maen games kalah nyalahke kito?”
Kacibob : “ Cubo apo nian yang nak kamu ceritoke dari tadi tu, cubo ???”
Ujang : “ Cubo Wak De, kamu be yang cerito, biar Kacibob ini tau!!”
Wakde : “ Cak ini Kacibob kemaren pagi itu kejadiannyo di jalan nak ke Pasar Induk ado uwong baru balek dari pasar naek motor lupo matike lampu sen nyo”
Kacibob : “ la terus ngapo dengan lampu sen nyo itu ? “
Ujang : “ Kareno lampu sen itu di klason-klason dak denger wong itu, sangking bingsalnyo yang ngebunyike klason itu ngeraso dak diagok’i dipepetlah wong itu !!!”
Wakde : “ Nah, karenola kesel samo yang ngidupi lampu sen tadi dak sengajo disiramnyo samo cuko para”
Kacibob : “ Aii, bahayo nian yo, kareno dak sengajo itu???”
Ujang : “ Itulah kalau ado wong parak ngobrol dak dihargoi lokak keno siram cuko para pulo!!!!
Wakde : “ Pacak nian!!!”
Kacibob : “ Nah, lokak kito yang nak keno siram caknyo,,,, lajulah men berani!!!!
Budak duo tadi ketawo ngakak laju, karena takut keno siram cuko para, Kacibob dak sadar ngempaske hape –nyo dewe, setelah denger cerito tadi, makonyo zaman sekarang men ado wong ngomong didengeri dan dihargoi biar idak keno siram cuko para.[***]
**Budina Sofiyan**
